У выніку тэракту, здзейсненага смяротнікам сёння ў шыіцкай мячэці ў Багдадзе, па меншай меры 30 чалавек загінулі, яшчэ 55 атрымалі раненні. Пра гэта паведаміў прадстаўнік Міністэрства ўнутраных спраў Ірака.

Тэрарыст прывёў у дзеянне "пояс смяротніка" ў мячэці Тэмімі ў раёне Каср на поўначы Багдада.

Сілы бяспекі ачапілі дарогу, якая вядзе да месца здарэння, усе пацярпелыя былі экстрана шпіталізаваны.

Пакуль ніводная арганізацыя не ўзяла на сябе адказнасць за гэты напад. - Р -