Каля 7000 ваеннаслужачых НВАК, байцоў Народнай ўзброенай міліцыі Кітая і апалчэнцаў прыцягнуты да выратавальных работ на месцы землетрасення ў правінцыі Юньнань (Паўднёва-Заходні Кітай).

У выратавальнай аперацыі задзейнічаны 5262 ваенных і байца ўзброенай міліцыі і 1709 апалчэнцаў, паведамілі ў Дэпартаменце інфармацыі Міністэрства абароны КНР. Ім удалося выцягнуць з-пад завалаў 234 чалавека. Акрамя таго, яны ажыццяўляюць перавозку пацярпелых у бальніцы, эвакуацыю людзей з зоны бедства, дастаўку ў пацярпелыя раёны прадметаў першай неабходнасці, рамонт пашкоджаных дарог і іншыя неабходныя работы.

Намеснік начальніка Генштаба НВАК Ці Цзяньго адправіўся ў зону бедства.

Паводле апошніх дадзеных, колькасць загінуўшых у выніку землетрасення, якое адбылося ў нядзелю каля 16:30 у павеце Лудзянь (Юньнань), узрасла да 398 чалавек, яшчэ трое лічацца прапаўшымі без вестак, 1801 атрымаў раненні.

Ад землетрасення пацярпелі ў агульнай колькасці 1.088 млн. чалавек, былі тэрмінова эвакуіраваны 229,7 тыс. мясцовых жыхароў.