Беларусь не дапусціць уезду ў краіну ўдзельнікаў баявых дзеянняў на ўсходзе Украіны. Пра гэта ў чацвер паведаміў старшыня Камітэта дзяржаўнай бяспекі / КДБ / Беларусі Валерый Вакульчык, выступаючы ў Мінску на міжнароднай канферэнцыі па барацьбе з тэрарызмам.
У Беларусь прыехалі прадстаўнікі спецыялізаваных падраздзяленняў з Расіі, Еўропы, ЗША, Азіі і Афрыкі. Сілавікі не абышлі ўвагай сітуацыю ва Украіне і адзначылі ролю Беларусі ва ўрэгуляванні крызісу.
"Сярод украінскіх грамадзян, якія прыбылі ў Беларусь, няма людзей , што выклікаюць апасенні. Тыя, што выклікалі сумневы ці пра якіх мы ведалі адназначна, што яны датычныя да гэтай дзейнасці, сюды не прыехалі", - заявіў В. Вакульчык.
Найбольшую пагрозу, па дадзеных Антытэрарыстычнага цэнтра СНД, цяпер прадстаўляе дзейнасць ісламскай групоўкі ІДІЛ. Прычым не столькі магчымымі атакамі ў краінах Садружнасці, колькі вярбоўкай баевікоў. Таксама ўдзельнікі форуму абмяркоўваюць здольнасць спецслужбаў супрацьстаяць інфармацыйным тэхналогіям. - 0--