Заявачны камітэт зімовых Алімпійскіх гульняў-2022 у Пекіне размясціў на сваім афіцыйным сайце тэкст заяўкі на правядзенне ў кітайскай сталіцы Алімпіяды і Паралімпіяды-2022. Раней гэты дакумент быў накіраваны кітайскім бокам у Міжнародны алімпійскі камітэт / МАК /.

Як адзначаецца ў дакументах, у выпадку паспяховага прыняцця заяўкі, зімовыя Алімпійскія гульні-2022 могуць быць прызначаны на перыяд адзначэння ў Кітаі свята Вясны / "Чуньцзе" /. Цырымонія адкрыцця можа адбыцца на стадыёне "Птушынае гняздо" ў Пекіне.

У заяўцы адзначаецца, што па прапанаваным плане цырымонія адкрыцця зімовай Алімпіяды-2022 будзе прызначаная на 4 лютага (пятніца), а цырымонія закрыцця - на 20 лютага / нядзелю /, у той час як цырымоніі адкрыцця і закрыцця зімовых Паралімпійскіх гульняў-2022 будуць запланаваны , адпаведна, на 4 сакавіка (пятніца) і 13 сакавіка (нядзелю).

У 2022 свята Вясны па традыцыйным кітайскім месяцовым календары выпадае на 1 лютага.Выбар названага часовага прамежку звязаны з максімальна спрыяльнымі ўмовамі для правядзення Алімпіяды. На гэты час прыпадаюць зімовыя вакацыі кітайскіх школьнікаў і студэнтаў, што будзе спрыяць прысутнасці маладых людзей на Гульнях. Акрамя таго, свята Вясны з традыцыйнай кітайскай кухняй і мноствам народных звычаяў, якія нязменна суправаджаюць яго, падорыць незабыўныя ўспаміны удзельнікам Гульняў. --0--