Маатай — кітайская гарэлка, названая ў гонар гарадка Маатай у правінцыі Гуйчжоу, дзе яна вырабляецца. Вытворчасцю напоя займаецца кампанія Kweichow Moutai Company. Маатай стаў амаль абавязковым на афіцыйных урадавых банкетах у Пекіне і прэзентацыях за мяжой. Гэта - «нацыянальный напой», які таксама з'яўляецца і кітайскім «дыпламатычным». Зараз у краіне ён з'явіўся ў адкрытым продажы, і яго выкарыстоўваюць падчас асаблівых урачыстасцяў: на святы, вяселлі і г.д. Аднак з-за таго, што попыт значна перавышае прапанову, кошт на маатай застаецца стабільна высокім.