Папулярнасць салаты вялікая па той простай прычыне, што ў лячэбным і дыетычным харчаванні яна займае вядучае месца, а яе прызначэнне даволі разнастайнае: салата можа быць як асноўнай стравай, так і закускай або гарнірам.

Для салаты бяруць сырую, апрацаваную халодным або гарачым спосабам агародніну і садавіну, з дабаўленнем або без дадатку іншых кампанентаў, а таксама са смакавымі запраўкамі і прыправамі.

Агароднінная салата не толькі павышае апетыт, спрыяе добраму страваванню, але і насычае арганізм найкаштоўнымі мінеральнымі рэчывамі, вітамінамі і неабходнай клятчаткай. Асабліва добрыя для прыгатавання салаты капуста, сельдэрэй і агуркі, а таксама радыска, цыбуля, памідоры, пятрушка і інш.

Пладовую і струкавую агародніну (памідоры, агуркі, струкі фасолі і гароху) мыюць у праточнай вадзе. Плады з цвёрдай лупінай, якія перавозяцца адкрытымі, рэкамендуецца апарваць кіпенем.

Асноўныя «спадарожнікі» салаты – воцат, часнок і хрэн. Воцат лепш зліць перад падачай стравы на стол, а часнок і хрэн наразаюцца вельмі дробнымі кавалачкамі.