Іголкаўколванне – гэта ўвядзенне тонкай, дыяметрам менш за міліметр, металічнай іголкі даўжынёй ад 1 да 15 см у вызначаныя кропкі на целе чалавека. Гэтыя кропкі называюцца "сюевэй". Праз некалькі секунд пасля ўвядзення іголкі ў сюевэй чалавек адчувае не боль, а прыемнае здранцвенне, цеплыню. Так выяўляецца лячэбны эфект. Прыпяканне – таксама даволі прыемная працэдура. З высушанага лісця палыну робяць адмысловыя "цыгарэты", цьмеючую палыновую палачку трымаюць над сюевэй, выграваючы, такім чынам, патрэбную кропку. Доўгая практыка паказала, што спалучэнне іголкаўколвання і прыпякання дае вельмі добры эфект.