Дунцінху размешчана на мяжы правінцый Хунань і Хубэй. На поўнач ад возера – правінцыя Хубэй, на поўдзень – Хунань. Возера атрымала цяперашнюю назву ад аднайменнай гары, што знаходзіцца ў яго сярэдзіне. Дунцінху – другое па велічыні прэснаводнае возера ў Кітаі. Яго плошча -- 2740 кв. км.

Дунцінху з'явілася яшчэ ў ранні перыяд Яньшаньскага працэсу. Яно паступова вырасла на аснове геаграфічнага абвалу, што кантралюецца разломам. У гісторыі Дунцінху было самым буйным у Кітаі прэснаводным возерам. Паводле гістарычных запісаў Дунціху ў канцы Мінскай дынастыіі - пачатку Цінскай дасягнула поўнай «сталасці». Яго перыметр склаў– 400-450 кіламетраў. Цяпер возера Дунцінху падзялілася на тры часткі: Усходняе, Паўднёвае і Заходняе Дунцінху, а таксама шматлікія дробныя сажалкі. Сярод іх Усходні Дунцінху мае самую шыроку водную прастору і займае параўнальна вялікую плошчу. На другім месцы – Паўднёвы Дунцінху.