У 2006 годзе кітайская газета «Глабальны турызм» сумесна з іншымі 30 папулярнымі выданнямі правяла конкурс «50 самых папулярных сярод замежных турыстаў мясцін у Кітаі». Горад Цзіндэчжэнь заняў 19 месца дзякуючы яго спецыфіцы – фарфору і кераміцы.

Фарфор і кераміка прысутнічаюць тут літаральна на кожным кроку, асабліва ў гістарычнай частцы горада. У старадаўнія часы ў Цзіндэчжэне было шмат сямейных майстэрняў па вытворчасці керамічных вырабаў. Звычайна на вуліцы побач з такой майстэрняй была крама, а на заднім двары – невялікі вытворчы цэх.