У Кітаі наступіў самы гарачы перыяд лета. Паводле даных Цэнтральнай метэаслужбы, у нядзелю максімальная тэмпература паветра ў Пекіне, Шанхаі, Чунціне, а таксама ў правінцыях Аньхой, Цзянсу, Чжэцзян, Цзянсу, Хунань, Хубэй і Сычуань дасягнула 37–39 градусаў.

Як прагназавалі сіноптыкі, у наступныя пяць-восем дзён гарачае надвор'е будзе трымацца ў Чунціне і раёнах на поўдзень ад сярэдняга і ніжняга цячэння ракі Янцзы. Там слупок тэрмометра перавысіць адзнаку 35 градусаў.

Як паведамляецца, ад гарачага надвор'я ў кітайскіх гарадах рэзка павялічыўся расход электраэнергіі для работы кандыцыянераў. Апрача таго, адміністрацыі шэрагу раёнаў ужо рыхтуюцца да барацьбы з засухай. - Р -