Міністэрства абароны ЗША ў аўторак заявіла, што, згодна з патрабаваннем дзярждэпартамента, ВПС раней эвакуіравалі дапаможных супрацоўнікаў пасольства ЗША ў Емене.

У сувязі з "магчымасцю тэрарыстычнай пагрозы" дзярждэпартамент таксама рэкамендаваў амерыканскім грамадзянам устрымацца ад паездак у Емен, а амерыканцам, якія знаходзяцца там, неадкладна пакінуць гэтую краіну.

Раней дзярждэпартамент ужо даў указанне зачыніць 22 амбасады ЗША на Блізкім Усходзе і ў Паўночнай Афрыцы да канца гэтага тыдня. А 4 жніўня дзярждэпартамент заявіў аб працягу тэрмінаў закрыцця 19 пасольстваў да 10 жніўня.

Паводле паведамлення амерыканскіх СМІ, групоўка "Аль-Каіда" на Аравійскім паўвостраве "актывізуецца на тэрыторыі Емена", у сувязі з чым амерыканская адміністрацыя выказвае асаблівую заклапочанасць магчымымі нападамі на грамадзян, маёмасць і камерцыйныя аб'екты ЗША. - 0 -