Перыяд спынення працы 19 амерыканскіх пасольстваў і консульстваў у Заходняй Азіі і Афрыцы будзе прадоўжаны ў сувязі з існуючай небяспекай тэрактаў. Пра гэта заявіла афіцыйны прадстаўнік Дзярждэпартамэнта ЗША Джэніфер Псакі.
Яна паведаміла, што гэтыя дыпмісіі не будуць працаваць з 5 па 10 жніўня. Аднак пасольствы і консульствы ЗША ў Бангладэш, Алжыры, Маўрытаніі, Афганістане і Іраку з 5 жніўня адновяць сваю дзейнасць.
У мінулую пятніцу Дзярждэпартамэнт ЗША папярэдзіў амерыканскіх грамадзян, якія адпраўляюцца за мяжу, аб існаванні патэнцыяльнай пагрозы тэрарыстычных нападаў. І каб пазбегнуць тэрактаў, будзе спынена праца дыпмісій у краінах Блізкага Усходу. - Р -