Прэзідэнт ЗША Барак Абама заявіў, што Грэцыя праводзіць рызыкоўныя эканамічныя рэформы, але ЗША падтрымліваюць яе ў гэтым, паколькі Грэцыя павінна развіваць сваю эканоміку і павышаць узровень занятасці.

Б.Абама ўчора адзначыў журналістам пасля сустрэчы ў Вашынгтоне з прэм'ер-міністрам Грэцыі Антонісам Самарасам, што пры супрацьдзеянні эканамічным цяжкасцям неабходна фінансавае ўпарадкаванне для скарачэння даўгоў, аднак эканомія фінансавых расходаў – не адзіная стратэгія для ўрэгулявання праблемы, эканамічны рост і павышэнне ўзроўню занятасці павінны таксама знаходзіцца ў фокусе ўвагі кіраўнікоў краіны.

Ён выказаў упэўненасць, што Грэцыя дасягне поспехаў у сваіх эканамічных рэформах, якія не толькі тычацца інтарэсаў яе народа, але і могуць аказаць уплыў на еўрапейскую і нават глабальную эканоміку.

Як вядома, Грэцыя атрымлівае крэдыты ад МВФ і іншых міжнародных арганізацый і праводзіць эканамічныя рэформы для процідзеяння эканамічнаму спаду і праблеме беспрацоўя. - Р -