У аўторак у штаб-кватэры ААН у Жэневе пачаўся новы раўнд перамоў Ірана з "шасцёркай" краін-пасярэднікаў (ЗША, Вялікабрытанія, Францыя, РФ, КНР і ФРГ), які будзе доўжыцца два дні.

"Спадзяюся, што 2-дзённыя перамовы стануць эфектыўнымі", – адзначыла вярхоўны прадстаўнік ЕС па знешняй палітыцы і бяспецы Кэтрын Эштан у пісьмовай заяве, чакаючы ад гэтага раўнда перамоў стараннага вывучэння падрабязнасцяў і выяўлення ўсіх магчымасцяў вырашэння праблемы.

Нагадаем, што днямі ў рамках іранскай ядзернай праблемы з'явіліся пазітыўныя сігналы, якія прыцягнулі ўвагу сусветнай супольнасці. Прэзідэнт Ірана Хасан Роўхані на пасяджэнні Генеральнай Асамблеі ААН выказаў гатоўнасць правесці канструктыўныя кантакты з іншымі краінамі і зноў пацвердзіў мірную мэту іранскай ядзернай праграмы. - Р -