Новая канцэпцыя развіцця беларускай тэарэтычнай навукі будзе распрацавана ў наступным годзе. Пра гэта паведаміў старшыня Прэзідыума Нацыянальнай акадэміі навук Беларусі Уладзімір Гусакоў.

Пасяджэнне беларускіх вучоных прымеркавана да 85-годдзя Акадэміі. Галоўныя тэмы форуму: эфектыўнасць узаемадзеяння тэарэтычнай і практычнай навукі.

"Акадэмія навук павінна прапанаваць прынцыпова новыя шляхі развіцця эканомікі. А без фундаментальнай навукі гэта зрабіць практычна немагчыма. У сувязі з гэтым мы зараз паставілі задачу адпрацаваць новыя падыходы і стратэгіі развіцця фундаментальных даследаванняў", – сказаў У.Гусакоў.

На форуме названы асноўныя напрамкі развіцця беларускай навукі на 2014 год. У прыярытэце – бія-, нана-, касмічныя тэхналогіі і машынабудаванне. - Р -