Украіна павінна вярнуцца на шлях еўраінтэграцыі. Пра гэта заявіў старшыня Вярхоўнай Рады Украіны Аляксандр Турчынаў.

У тэлезвароце А.Турчынаў адзначыў, што знешнія прыярытэты – вяртанне да курсу на еўраінтэграцыю. Ён таксама выказаў упэўненасць у тым, што датэрміновыя прэзідэнцкія выбары будуць сумленнымі, Украіна пацвердзіць свой еўрапейскі выбар.

А.Турчынаў таксама паведаміў, што датэрміновыя прэзідэнцкія выбары будуць цалкам адказваць найвышэйшым еўрапейскім стандартам. Яны "будуць свабоднымі і сумленнымі", і кожны чалавек будзе мець права свабодна зрабіць свой выбар і абраць годнага прэзідэнта. - Р -