Паводле звестак прэс-службы прэзідэнта Украіны, кіраўнік дзяржавы і лідары апазіцыі ў сераду дасягнулі кампрамісу, абвясціўшы перамір'е.

Прэс-служба паведаміла, што ў адміністрацыі прэзідэнта былі праведзены перамовы паміж Віктарам Януковічам і лідарамі апазіцыі Віталем Клічко, Арсеніем Яцанюком і Алегам Цягнібокам. Па выніках перамоў бакі заявілі аб перамір'і і пачатку перамоўнага працэсу з мэтай спынення кровапраліцця, стабілізацыі сітуацыі ў дзяржаве і дасягнення грамадзянскага міру.

В.Клічко заявіў прэсе пра абяццанне В.Януковіча ў тым, што сілавікі не будуць штурмаваць Майдан. Наступныя перамовы пройдуць, як плануецца, 20 лютага. - Р -