Народны ўрад Сіньцзян-Уйгурскага аўтаномнага раёна прысвоіў групе «адважных змагароў са злачынцамі» з горада Хэцянь і павета Пішань ганаровае званне «Узорнай групы абаронцаў справядлівасці СУАР», выдаў ім граматы і медалі, а таксама грашовыя прэміі.
Народны ўрад Сіньцзяна адзначыў, што мужныя ўчынкі герояў выявілі смеласць розных народаў у барацьбе са злачынцамі, што, у сваю чаргу, спрыяльна адбівалася на прыняцці рашучых мер супраць жорсткіх дзеянняў.
У сярэдзіне чэрвеня бягучага года трое ўзброеных сякерамі мужчын увайшлі ў адзін шахматны клуб горада Хэцянь і напалі на звычайных людзей, якія знаходзіліся там. Наведвальнікі клуба не разгубіліся і ўступілі ў барацьбу са злачынцамі. Прадаўцы з суседніх магазінаў з дубінкамі і вогнетушыцелямі ў руках спрабавалі акружыць бандытаў і не даць ім уцячы.
Таксама ў апошняй дэкадзе мая шасцёра жыхароў вёскі Санчжу павета Пішань выявілі траіх мужчын, узброеных нажамі. Вяскоўцы далі ім адпор і канфіскавалі кінжалы, цесакі і 12 выбуховых прылад. - Р -