Лідар антыўрадавых узброеных фарміраванняў на ўсходзе Украіны, так званы "прэм'ер-міністр" "Данецкай народнай рэспублікі" Аляксандр Барадай у аўторак раніцай перадаў Малайзіі бартавыя самапісцы пасажырскага самалёта MH17 "Малайзійскіх авіяліній", які разбіўся на тэрыторыі Украіны. Пра гэта паведаміла агенцтва Інтэрфакс.
Агенцтва цытуе словы А. Барадая пра тое, што згодна з падпісаным бакамі мемарандумам, Малайзія павінна перадаць бартавыя самапісцы спецыялістам Міжнароднай арганізацыі грамадзянскай авіяцыі.
Прэм'ер-міністр Малайзіі Наджыб Разак на брыфінгу, які адбыўся ў той жа дзень раніцай у малайзійскім горадзе Путраджая, паведаміў, што 21 ліпеня ўвечары ён дасягнуў згоды з А. Барадаем па трох важных пунктах, у прыватнасці, згодна з другім пунктам, дзве "чорныя скрыні" самалёта, які разбіўся, будуць перададзеныя малайзійскай дэлегацыі ў Данецку 21 ліпеня прыкладна ў 21:00 па мясцовым часе. - 0