Кітайскае таварыства Чырвонага крыжа прадаставіла Гане фінансавую дапамогу на суму 50 тыс. долараў ЗША для барацьбы з ліхаманкай Эбола.
Кітайскі пасол у Гане Сунь Баахун ад імя Кітайскага таварыства Чырвонага крыжа прыняла ўдзел у цырымоніі перадачы гэтых фінансавых сродкаў. Яна заявіла, што медыцына і ахова здароўя заўсёды з'яўляюцца важнымі напрамкамі кітайска-ганскага супрацоўніцтва. У апошнія гады кітайскі бок бесперапынна прадастаўляе Гане лекі для процідзеяння малярыі, а таксама аказаў дапамогу краіне ў будаўніцтве дзвюх бальніц, накіраваў туды медыцынскія брыгады.
Сунь Баахун таксама паведаміла, што Кітай прадаставіць Гане матэрыяльную дапамогу ў памеры пяці млн. юаняў для барацьбы з ліхаманкай Эбола, якая распаўсюджваецца ў Заходняй Афрыцы.
Старшыня Таварыства Чырвонага Крыжа Ганы Аджыекум Адо на цырымоніі выказаў падзяку Кітайскаму Таварыству Чырвонага Крыжа за дапамогу. Намеснік міністра замежных спраў Ганы Гвезі Кватэ станоўча адазваўся аб клопаце і дапамозе кітайскага боку, адзначаючы, што "гэта яшчэ адно сур'ёзнае сведчанне таго, што Гана і Кітай дзеляць адно з адным усе радасці і нягоды". --0--