"Мы гатовы разам з міжнароднай супольнасцю прыкладаць намаганні ў сумеснай барацьбе супраць эпідэміі віруса Эбола", – заявіў старшыня КНР Сі Цзіньпін, прымаючы даверчыя граматы новых замежных паслоў.
Цырымонія прайшла ў Доме народных сходаў. Кіраўніку дзяржавы ўручылі даверчыя граматы паслы Чылі, Нігера, Ліберыі, Гвінеі, Францыі, Кот-д'Івуара, Ірана, Перу і ЕС.
Сі Цзіньпін заявіў аб прыхільнасці Кітая да забеспячэння міру і сумеснага развіцця ва ўсім свеце. Кіраўнік дзяржавы дадаў, што кітайскі ўрад забяспечыць спрыяльныя ўмовы і падтрымку амбасадарам, якія ўнясуць пазітыўны ўклад у развіццё дружбы паміж народамі і адносін сяброўскага супрацоўніцтва Кітая з краінамі і рэгіёнамі, якія яны прадстаўляюць. - Р -