На Далёкім Усходзе Расіі маюцца багатыя паклады мінеральных рэсурсаў, для разведкі і асваення якіх Расія гатова ажыццяўляць цеснае супрацоўніцтва з Кітаем. Такі намер выказаў намеснік міністра прыродных рэсурсаў і экалогіі РФ Дзяніс Храмаў на Кітайскім міжнародным кангрэсе горнай прамысловасці-2014, які праходзіць у прыморскім горадзе Цяньцзінь.
На цяперашнім кангрэсе, які быў наладжаны Міністэрствам зямельных і прыродных рэсурсаў КНР сумесна з народным урадам горада Цяньцзінь і Кітайскай федэрацыяй горнай прамысловасці, сабраліся больш за 7000 удзельнікаў з больш чым 50 краін і рэгіёнаў свету.
Дзяніс Храмаў у сваім выступленні на адкрыцці кангрэса заявіў, што Расія валодае ўнікальнымі мінеральнымі рэсурсамі і лідзіруе ў свеце як па іх відах, так і па запасах. "Кітай - наш надзейны партнёр, наш годны даверу сябар, пашырэнне супрацоўніцтва з кітайскімі калегамі - прыярытэтны напрамак знешняй палітыкі і знешняга гандлю нашай краіны," - адзначыў намеснік міністра.
Паводле яго слоў, удзел буйных кампаній АЦР падыме ўзровень супрацоўніцтва. Кангрэс горнай прамысловасці закладзе добры сацыяльны падмурак для перспектыўнага супрацоўніцтва Расіі і Кітая. 0-