Гісторыя і культура кітайскіх він і спіртных напояў.

Вядома, што ў глыбокай старажытнасці людзі выраблялі першыя віны і спіртныя напоі для ахвярапрынашэнняў на пышных цырымоніях пакланення продкам. У старажытных вершах "Шыцзін" ("Кніга песняў") ёсць радкі, дзе пра гэта ўзгадвалася.

Паступова моцныя напоі сталі з'яўляцца на сталах вышэйшых колаў грамадства. У часы рабаўладальніцтва павялічылася вытворчасць, што дазволіла розным алкагольным напоям з'явіцца ў вялікай колькасці на сталах кіраўнікоў, рабаўладальнікаў. Нават узніклі звязаныя з імі застольныя забавы. Напрыклад, гаспадар пірушкі ставіў на стол невялікі імбрык, а госці кідалі ў яго стрэлы з пэўнай дыстанцыі. За меткасць госць атрымліваў, як узнагароду, поўную чарку. Гэтыя віны і спіртныя напоі мелі і іншае важнае значэнне – яны сімвалізавалі багацце рабаўладальнікаў.