Фэн Ліньчжан, "Ружовыя і белыя кветкі дзікай слівы мэй"

Сярод квітнеючых дрэў найгалоўнае месца адводзіцца дзікай сліве мэй, больш вядомай як мэйхуа (梅花). Гэта "каляндарнае" дрэва, сімвал і эмблема кітайскага Новага года, вясны і нараджэння ўсяго жывога. Кветкі мэйхуа і яе квітнеючыя галінкі – улюбёны арнаментальны матыў кітайскага дэкаратыўна-прыкладнога мастацтва. Яны выкарыстоўваюцца ў размалёўках керамікі, у вышыўцы, у ювелірных вырабах. Часта можна пабачыць і больш складаныя кампазіцыі, у якіх мэйхуа малюецца разам з бамбукам і матылькамі. Апрача таго, з ёй таксама звязаны спецыяльныя тэматычныя напрамкі, прычым, як у жывапісу (стыль мэйхуа), так і ў паэзіі (вершы, прысвечаныя яе апяванню).