Раман Мышкоўскі, карэспандэнт Беларускай рэдакцыі МРК

Не так даўно пекінскую капусту ў Беларусі нават не лічылі за агародніну: многія пакупнікі адмахваліся ад прадаўцоў, якія прапаноўвалі яе, і казалі, што "невядома што" ім не трэба. Да таго ж гэта капуста каштавала значна даражэй, чым звычайная, белакачанная, таму незразумела, навошта пераплачваць? Потым да пекінскай капусты сталі ставіцца больш сур'ёзна, пачалі цікавіцца, як і з чым яе ядуць – гэта значыць, якія стравы з яе можна прыгатаваць, у чым іх каштоўнасць? Людзі даведаліся, што пекінская капуста больш карысная за белакачанную, і гэта павялічыла яе папулярнасць.