Раман Мышкоўскі, карэспандэнт Беларускай рэдакцыі МРК

У студзені бягучага года прэм'ер-міністры Беларусі і Кітая Міхаіл Мясніковіч і Лі Кэцян прынялі праграму развіцця адносін усебаковага стратэгічнага партнёрства, якая ахоплівае ўсе галіны двухбаковых кантактаў – палітычнае, эканамічнае, гуманітарнае супрацоўніцтва, а таксама супрацоўніцтва ў галіне культуры, якое, несумненна, паспрыяе лепшаму разуменню нацыянальных асаблівасцяў, традыцый і звычаяў народаў Беларусі і Кітая. У рамках рэалізацыі гэтай праграмы ў перыяд з 28 лютага па 8 сакавіка ў Кітаі пройдуць гастролі Нацыянальнага акадэмічнага тэатра імя Янкі Купалы.

Будынак Нацыянальнага акадэмічнага тэатра імя Янкі Купалы ў Мінску

Беларускія акцёры выступяць у Пекінскім народным мастацкім тэатры, на сцэне якога за ўсю гісторыю было паказана больш за 12 тысяч спектакляў, а трупа тэатра ўдастоілася звання галоўнага прафесійнага калектыву краіны.

Будынак Пекінскага народнага мастацкага тэатра

У 1907 годзе, калі кітайцы пачалі практыкаваць заходні стыль ігры, сучасны кітайскі тэатр набыў назву "размоўная драма". Амаль за 100- гадовую гісторыю вялікая колькасць прафесіяналаў прысвяціла сваё жыццё і талент развіццю нацыянальнага тэатра. Гэта прывяло да з'яўлення пэўных шэдэўраў, прызнаных як у краіне, так і за мяжой. Пекінскі народны мастацкі тэатр увасобіў усю гісторыю развіцця тэатральнага мастацтва Кітая ў мініяцюры.