Звестка пра адкрыццё ўзрушыла навуковы свет Еўропы. У 1907 годзе найбольш каштоўныя рукапісы, уключаючы найстаражытнейшую ў свеце друкаваную кнігу «Алмазная сутра» (каля 868 г.), былі вывезены Орэлам Стэйнам у Брытанскі музей. Следам за Стэйнам храмавы комплекс наведалі прадстаўнічыя навуковыя экспедыцыі з Францыі (Поль Пеліо) і Расіі (Сяргей Альдэнбург), якія таксама вярнуліся дамоў не з пустымі рукамі. Рукапісы, якія засталіся, тэрмінова перадалі ў Пекінскую бібліятэку.