Фрэскі

Фрэскавы жывапіс Магаа – гэта тысячагадовы пласт выяўленчага мастацтва Кітая. Па стылістыцы ён падзяляецца на чатыры перыяды: Паўночных Дынастый і Дынастыі Суй, Дынастыі Тан (самыя пышныя роспісы), эпохі «Дзесяці царстваў» і імперыі Сун, Заходняй Ся і Дынастыі Юань. Большасць фрэсак прысвечана Будзе, яго пропаведзям і джатакам, а таксама бодхісатвам, апсарам (феям), веруючым. Мабыць, у старажытнасці гэтыя вобразы служылі для нагляднага ўяўлення канонаў будызму непісьменным людзям. Шмат роспісаў распавядаюць пра рэальныя падзеі ў гісторыі распаўсюджання будызму.