Шанхайская эксперыментальная зона свабоднага гандлю будзе афіцыйна заснавана 29 верасня. Пра гэта паведамілі прадстаўнікі профільнага дэпартамента ў гарадской адміністрацыі Шанхая.
На 4-й сесіі Пастаяннага камітэта Усекітайскага сходу народных прадстаўнікоў 12-га склікання прынята рашэнне аб тым, каб надаць Дзяржсавету КНР паўнамоцтвы па разглядзе і зацвярджэнні палажэнняў нарматыўна-прававых актаў, якія часова рэгулююць статус Шанхайскай ЗСГ.
Стварэнне ЗСГ ў Шанхаі – важнае мерапрыемства Цэнтральнага камітэта КПК па далейшым прасоўванні палітыкі рэформ і адкрытасці ў новых гістарычных умовах.
Сярод асноўных задач ЗСГ – паскарэнне трансфармацыі функцый урада, стварэнне магчымасцяў для пашырэння сферы капіталаўкладанняў, садзейнічанне пераўтварэнню спосабаў дасягнення эканамічнага росту і паглыбленне адкрытасці і інавацыйнасці фінансавай галіны. - Р -