25 кастрычніка ў сталічным Інстытуце па даследаванні міжнародных пытанняў адбылася прэзентацыя зборніка «Беларусь вачыма кітайцаў».

Як адзначыў на прэзентацыі віцэ-прэм'ер Беларусі Анатоль Тозік, «гэта кніга – лагічны працяг інфармацыйнага праекта «Кітай вачыма беларусаў", які быў рэалізаваны па ініцыятыве і пры падтрымцы Кітайскага інстытута міжнародных даследаванняў».  

Кніга знаёміць чытача з поглядам кітайцаў на сучасную Беларусь; уражанні аб краіне падаюцца з пункту гледжання прадстаўнікоў розных сацыяльных груп, прафесій, узросту і інтарэсаў.