Сумесная праца Расіі і Беларусі ў рамках Саюзнай дзяржавы вельмі важная для ўсіх інтэграцыйных працэсаў. Пра гэта заявіў у сераду прэзідэнт РФ Уладзімір Пуцін падчас сустрэчы з прэзідэнтам Беларусі Аляксандрам Лукашэнкам.

"Безумоўна, усё, што мы робім у рамках Саюзнай дзяржавы, вельмі важна для ўсіх інтэграцыйных працэсаў на постсавецкай прасторы. І па многіх напрамках мы працуем нават з апярэджаннем іншых структурных аб'яднанняў інтэграцыйнага характару, у чымсьці нават задаём, можна сказаць, тон, спрыяем развіццю працэсаў па іншых напрамках . Усё гэта для нас надзвычай важна", – адзначыў прэзідэнт РФ.

А.Лукашэнка падзякаваў расійскаму калегу за плённую працу на Вышэйшым еўразійскім эканамічным савеце. "Мы правялі добрае мерапрыемства і зрабілі яшчэ адзін крок да стварэння эканамічнага саюза. Думаю, што гэта будзе добрым падмуркам на будучыню", – дадаў прэзідэнт Беларусі. - Р -