У Беларусі ўзмоцняць барацьбу з "шэрымі" схемамі па ўвозе легкавых аўтамабіляў на тэрыторыю Мытнага саюза. Адпаведны ўказ напярэдадні падпісаў прэзідэнт Аляксандр Лукашэнка.

Гаворка ідзе аб дадатковым кантролі часовага ўвозу машын для асабістага карыстання. Зараз замежнікам, якія ўжо раней заехалі на тэрыторыю МС на сваім аўтамабілі і жадаюць правезці другі, трэба будзе прадаставіць мытні забеспячэнне выплаты пошлін і падаткаў. Калі машына вернецца за мяжу, грошы ім вернуць. Такая мера павінна выключыць выпадкі продажу машын, аформленых на замежнікаў без мытнага суправаджэння. - Р -