Забяспечыць поўную прапускную здольнасць да лютага на межах краіны заклікала ў аўторак мытня Беларусі.

З пачатку года колькасць аўтамабіляў у чэргах на межах з Польшчай і Літвой стала рэзка расці. Перавозчыкі звязалі гэта з перадачай функцый санітарнага кантролю грузу мытным органам. Аднак у ДМК заявілі, што асноўная прычына рэзкага павелічэння чэргаў на межах усё ж іншая.

"Чэргі існуюць. Яны значныя – ад 200 да 450 машын. У першую чаргу, чэргі звязаны з тым, што сёлета рэзка пачаў расці грузапаток", – заявіў Уладзімір Арлоўскі, начальнік упраўлення арганізацыі мытнага кантролю ДМК Беларусі.

З новага года санітарны кантроль грузаў быў перададзены супрацоўнікам мытні. Такая мера накіравана на павелічэнне прапускной магчымасці на межах. - Р -