Нацыянальная акадэмія навук Беларусі назвала топ-10 дасягненняў акадэмічных вучоных у галіне фундаментальных і прыкладных даследаванняў.
У спіс увайшлі распрацоўкі ў галіне фізікі, біяхіміі, эканомікі, гуманітарных навук. Стварэнне штучнага мозгу, адкрыццё тэхналогіі стварэння слуцкіх паясоў і новых медыцынскіх прэпаратаў – толькі за год па гэтых напрамках у Беларусі было створана больш за сотню вынаходак.
"Топ-10 дасягненняў – гэта вельмі важна і цікава, бо паказвае, куды рухаецца сусветная навука. Першы вынік – імунатэрапія раку. Гэта вынік шматгадовых даследаванняў", – сказаў Сяргей Кілін, галоўны вучоны сакратар НАН Беларусі. - Р -