Міністэрства замежных спраў Беларусі адзначае пазітыўныя змены ў адносінах з Еўрапейскім саюзам і ЗША. Пра гэта гаворыцца ў падрыхтаваным беларускім знешнепалітычным ведамствам Аглядзе вынікаў знешняй палітыкі і дзейнасці МЗС за 2013 год, перадалі мясцовыя СМІ.
Знешнепалітычнае ведамства канстатавала істотную актывізацыю кантактаў з еўраструктурамі і знешнепалітычнымі ведамствамі краін-членаў Еўрасаюза.
Апрача таго, у дакуменце адзначаецца, што важнай часткай узаемадзеяння Беларусі і ЕС у бягучым годзе стануць перамовы па заключэнні пагадненняў аб спрашчэнні візавых працэдур. - Р -
