Віктар Януковіч аб'яўлены ў вышук на падставе падазрэнняў у наўмысным забойстве людзей. Суд прыняў рашэнне аб яго затрыманні. Пра гэта паведаміў журналістам в.а. генеральнага пракурора Украіны Алег Махніцкі.
Паводле яго слоў, пошукам В.Януковіча займаюцца адпаведныя падраздзяленні Службы бяспекі і МУС Украіны. Ён нагадаў, што крымінальная справа заведзена "па фактах забойстваў", у ёй пакуль фігуруюць 50 асоб.
Учора Вярхоўная Рада Украіны прыняла рашэнне звярнуцца ў Міжнародны крымінальны суд у Гаазе з просьбай прыцягнуць да адказнасці Януковіча і іншых службовых асоб "за злачынствы супраць чалавечнасці падчас мірных акцый пратэстаў грамадзян". - Р -