27 лютага халодныя паветраныя масы павінны рассеяць смог над Цэнтральным і Усходнім Кітаем, паведамілі сёння ў Міністэрстве аховы навакольнага асяроддзя КНР.

У аўторак спадарожнік дыстанцыйнага маніторынгу зафіксаваў, што ва ўладзе смогу апынуліся каля 1,04 млн. кв. км тэрыторыі Цэнтральнага і Усходняга Кітая. Асабліва моцнае забруджванне паветра адзначалася на 830 тыс. кв. км , а менавіта ў Пекіне, прав. Хэбэй , Ляанін , Цзілінь, Шаньсі .

25 лютага ў 45 са 161 горада Кітая, дзе ўведзены новы стандарт па маніторынгу якасці паветра, было зарэгістравана моцнае альбо асабліва моцнае забруджванне паветра. Больш за ўсё пацярпелі Пекін , Цяньцзінь , правінцыя Хэбэй і прылеглыя да іх раёны.

Дадзеныя таксама паказваюць, што па стане на 10 гадзін 26 лютага ў 44 гарадах са 161 паказчык PM2.5, які ўлічвае ўтрыманне ў атмасферы ўзважаных часціц памерам менш за 2,5 мікрона, перавысіў 150 мкг. на метр кубічны. Канцэнтрацыя шкодных рэчываў у кітайскай сталіцы дасягнула 473 мкг. на метр кубічны , што значна вышэй за паказчыкі за 25 лютага.