Намеснік генеральнага сакратара ААН па гуманітарных пытаннях Валеры Амас у штаб-кватэры арганізацыі заклікала ўсе канфліктуючыя ў Сірыі бакі рэалізаваць адпаведныя рэзалюцыі Савета Бяспекі ААН і забяспечыць поўную адкрытасць каналаў, па якіх у Сірыю паступае гуманітарная дапамога.

В.Амас таксама адзначыла, што пры адсутнасці станоўчых змен у палітычнай сітуацыі работнікам гуманітарнай місіі даводзіцца выпрабоўваць на сабе нарастаючы ціск, пры гэтым на іх ускладаюцца ўсе спадзяванні – у Сірыі склалася вельмі складаная сітуацыя, ва ўмовах якой ажыццяўляць гуманітарныя аперацыі няпроста.

Намеснік кіраўніка арганізацыі таксама паведаміла, што толькі 7% насельніцтва, якое апынулася "заблакіраваным" на тэрыторыі нестабільных раёнаў, мае магчымасць атрымаць гуманітарную дапамогу. Бесперапынны канфлікт, бюракратычныя правалокі і перашкоды для аказання гуманітарнай дапамогі, якія ўзнікаюць па віне розных бакоў, прыводзяць да таго, што эфект ад гуманітарнай дзейнасці памяншаецца. - Р -