Беларуская сістэма аховы здароўя зможа абараніць грамадзян Беларусі ад распаўсюджвання віруса Эбола, заявіў кіраўнік рэгіянальнага офіса Сусветнай арганізацыі аховы здароўя Ягор Зайцаў.

У краіне прымаюцца ўсе неабходныя меры, каб не дапусціць патраплення віруса на яе тэрыторыю. Зладжана дзейнічаюць медыцынская, памежная і мытная службы. Для аператыўнага рэагавання ёсць неабходнае абсталяванне і сродкі абароны. Верагоднасць афрыканскага сцэнара выключаная, запэўніваюць эксперты.

СААЗ даследуе, як краіны свету ацэньваюць сваю гатоўнасць супрацьстаяць Эбола. Беларусь атрымае спецыяльны апытальнік у бліжэйшы час. --0--