7-е пасяджэнне Камітэта па эканамічным супрацоўніцтве паміж берагамі Тайваньскага праліва пройдзе 29 студзеня ў Тайбэі. Пра гэта паведамілі сёння ў Асацыяцыі за развіццё сувязяў паміж берагамі Тайваньскага праліва / АСТП, Пекін /.
Кіраўнік Камітэта з боку кантынентальнай часткі Кітая, першы намеснік старшыні АСТП Чжэн Лічжун і і галоўны прадстаўнік мацерыковага Кітая ў названым камітэце, намеснік міністра камерцыі КНР Гаа Янь на чале дэлегацыі мацерыковай часткі прымуць удзел у пасяджэнні.
Рашэнне правесці дадзенае пасяджэнне было прынята згодна з рамачным пагадненнем аб эканамічным супрацоўніцтве паміж берагамі Тайваньскага праліва / ECFA /, падпісаным бакамі ў 2010 годзе.
Падчас пасяджэння ўдзельнікі абмяркуюць і дадуць ацэнку працэсу ажыццяўлення ECFA пасля яго ўступлення ў сілу, а таксама ацэняць працу, праведзеную шасцю рабочымі групамі ў галіне гандлю таварамі і паслугамі, інвесціравання, урэгулявання спрэчак, галіновага і мытнага супрацоўніцтва.
На пасяджэнні ўдзельнікі абмяняюцца меркаваннямі па ўзаемным стварэнні эканамічных і гандлёвых асацыяцый на абодвух берагах праліва, пашырэнні і паглыбленні супрацоўніцтва паміж бакамі Тайваньскага праліва, а таксама вызначаць задачы на будучыню.
Папярэдняе пасяджэнне прайшло ў жніўні мінулага года ў Пекіне. 0-