Разбурэнне і рэстаўрацыя сцяны.

Манчжурская дынастыя Цін (1644—1911), пераадолеўшы Сцяну з дапамогай здрады У Саньгуя, паставілася да яе зняважліва. За тры стагоддзі праўлення Цін Вялікая сцяна амаль разбурылася пад уздзеяннем часу. Толькі невялікі яе ўчастак ля Пекіна – Бадалін – падтрымліваўся ў парадку – ён служыў свайго роду «брамай у сталіцу». У 1899 годзе амерыканскія газеты пусцілі чуткі пра тое, што Сцяна будзе зусім знесена, а на яе месцы пракладзена шаша. У 1984 годзе па ініцыятыве Дэн Сяапіна стартавала праграма па рэстаўрацыі Вялікай Кітайскай сцяны, якая фінансуецца са сродкаў кітайскіх і замежных кампаній, а таксама прыватных асоб.