Існуе некалькі версій танца Дракона. Адна з самых папулярных – прадстаўленне Агністага дракона, падчас якога перад галавой міфічнай жывёлы нясуць запаленыя ліхтарыкі. Гэтыя агеньчыкі сімвалізуюць полымя, якое вырываецца з пашчы істоты. Танец Дракона у тым выглядзе, у якім ён выконваецца ў Кітаі, – інтэрактыўнае дзейства. Уздоўж вуліц, па якіх праходзіць шэсце з фігурай дракона на чале, стаіць вялікая колькасць людзей, якія б'юць у барабаны і гонгі.

Танец Дракона і танец Льва – абавязковыя элементы падчас святкавання Новага года па месячным календары як у Кітаі, так і ў некаторых іншых краінах. Розныя часткі цела штучнага дракона асвятляюцца свечкамі і феерверкамі. - Р -