Тушачніца

У тушачніцах расціраюць палачкі тушы. Звычайна тушачніцы робяць са сланцу. Яе паверхня павінна быць досыць роўнай, каб не атрымлівалася камячкоў тушы. Самыя папулярныя – прамавугольныя тушачніцы, у якіх плоскае дно мае нахіл у бок адной з больш кароткіх сценак. Некаторыя тушачніцы ўпрыгожваліся разьбой.

Самыя вядомыя цэнтры па вытворчасці тушачніц знаходзяцца ў правінцыях Гуандун, Аньхой, Шаньсі і Ганьсу. Так, напрыклад, у правінцыі Гуандун тушачніцы выраблялі яшчэ ў часы дынастыі Тан.

Тушачніцы бываюць з вечкамі і без, лёгкімі пераноснымі і цяжкімі стацыянарнымі. Выбіраючы тушачніцу, абавязкова варта звяртаць увагу не толькі на яе памер і форму, але і на якасць аздаблення працоўнай паверхні. Дно тушачніцы павінна быць роўным, без расколін і выступаў, добра адпаліраваным.