Гулан'юй – маленькі востраў з велізарным мінулым, якое зрабіла яго непадобным на мільёны іншых астравоў, якія дзесьці згубіліся на нашай планеце. Знаходзіцца ён па суседстве з яшчэ адным не менш вядомым у краіне горадам-востравам Сямэнь. Сямэнь – адзін з нямногіх гарадоў Кітая, пабудаваных на астравах. Гулан'юй знаходзіцца ў яго адміністрацыйным падпарадкаванні. Гісторыя гэтых двух астравоў цесна пераплялася, але па характары і настроі яны розныя.

Сямэнь раней насіў еўрапейскую назву Амой. Так называлі яго місіянеры. А яшчэ яго часам называюць Лудаа, што ў перакладзе азначае «востраў белых чапляў». З даўніх часоў горад з'яўляецца месцам пражывання гэтых птушак. У 1986 годзе адміністрацыя Сямэня абвясціла белую чаплю птушкай горада.