Прэм'ер Дзяржсавета КНР Лі Кэцян сустрэўся з прэм'ер-міністрам Румыніі Віктарам Понтам і прэм'ер-міністрам Македоніі Ніколам Груеўскім, якія прыбылі ў кітайскую сталіцу для ўдзелу ў нарадзе мясцовых кіраўнікоў Кітая і краін Цэнтральнай і Усходняй Еўропы.

Падчас сустрэчы з Н.Груеўскім Лі Кэцян сказаў, што Кітай надае вялікае значэнне развіццю адносін з Македоніяй, падтрымлівае яе намаганні ў працэсе інтэграцыі ў Еўропу, гатовы садзейнічаць супрацоўніцтву паміж дзвюма краінамі ў будаўніцтве інфраструктуры, сельскай гаспадарцы, сумесна асвойваць рынкі трэціх бакоў, дамагацца ўзаемнай выгады.

Лі Кэцян азнаёміў гасцей з эканамічнай сітуацыяй у Кітаі. Ён падкрэсліў, што Кітай будзе нязменна праводзіць палітыку адкрытасці знешняму свету, паглыбляць супрацоўніцтва з іншымі краінамі і пашыраць прастору сумеснага развіцця.

Лі Кэцян адзначыў, што супрацоўніцтва паміж Кітаем і краінамі Цэнтральнай і Усходняй Еўропы з'яўляецца важнай часткай кітайска-еўрапейскіх адносін, адказвае агульным інтарэсам бакоў. Кітай гатовы падзяліцца шансамі развіцця з краінамі Цэнтральнай і Усходняй Еўропы і дамагчыся прарыву ў вялікіх праектах, падняць узровень і маштаб двухбаковага супрацоўніцтва, дасягнуць усебаковага і збалансаванага развіцця адносін Кітая і Еўропы ў цэлым.

В.Понта сказаў, што Румынія і Кітай павінны паглыбляць супрацоўніцтва ў палітычнай, гандлёва-эканамічнай і культурнай галінах, прасоўваць развіццё двухбаковых адносін. Румынія гатова прыкладаць намаганні для садзейнічання развіццю адносін Кітая з краінамі Цэнтральнай і Усходняй Еўропы, а таксама з ЕС.

Н.Груеўскі адзначыў, што Македонія і Кітай павінны пашыраць двухбаковыя адносіны, садзейнічаць практычнаму супрацоўніцтву ў мэтах дасягнення сумеснага развіцця. - Р -