Рынак павінен адыгрываць вырашальную ролю ў размеркаванні рэсурсаў. Для ажыццяўлення гэтай мэты самым важным з'яўляецца аптымізацыя функцый урада. Пра гэта распавёў 13 лістапада ў Пекіне супрацоўнік аддзела па пытаннях макраэканомікі Даследчага цэнтра Дзяржсавета КНР па развіцці Чжан Ліцюнь .

Па выніках 3-га пленума ЦК КПК 18-га склікання, які завяршыўся 12 лістапада ў Пекіне, было прынята камюніке аб усебаковым паглыбленні рэформаў. На думку Чжан Ліцюня, галоўная мэта далейшага рэфармавання - выразнасць і сістэмнасць. Прынятая на пленуме рэзалюцыя заклікана наладзіць суадносіны паміж рэформамі ў розных сферах, у прыватнасці, у эканоміцы і палітыцы, а таксама суадносіны ўдасканалення рынкавых механізмаў са зменамі кантралюючых функцый дзяржавы .