12 лістапада ў Пекіне завяршыўся трэці пленум ЦК КПК 18-га склікання. Па даручэнні Палітбюро ЦК КПК генеральны сакратар ЦК КПК Сі Цзіньпін выступіў з тлумачэннямі да Пастановы ЦК КПК па некаторых важных пытаннях аб усебаковым паглыбленні рэформаў. Намеснік дырэктара Інстытута па даследаванні міжнародных стратэгій Чжоу Цяньюн лічыць , што Кітаю неабходна будзе ажыццявіць прарыў па трох пазіцыях .

Пленум прыняў праграму па ўсебаковых рэформах. Аналізуючы яе, Чжоу Цяньюн адзначыў, што яна -- сістэматычная і доўгатэрміновая. Для рэалізацыі трэба ўлічыць «патройную неабходнасць».

Па-першае, Кітаю неабходна ліквідаваць існуючыя бар'еры, якія застаюцца фактарамі на шляху паглыблення рэформаў, што тармозяць іх. Па-другое, неабходна выводзіць "адкрытасць" на новы ўзровень, прывесці фінансавыя і эканамічныя правілы ў адпаведнасць з міжнароднымі стандартамі. І, па-трэцяе, неабходна ў поўнай меры раскрыць інтэлектуальны патэнцыял.

Адносна рэформы эканамічнай структуры, прафесар Чжоу Цяньюн адзначыў, што яе «ядром» з'яўляецца рэгуляванне адносін паміж урадам і рынкам. Рынак павінен адыгрываць вялікую ролю, а ўрад павінен выканаць наступныя задачы: развіццё дзяржаўных прадпрыемстваў, раскрыццё патэнцыялу прыватнага сектара эканомікі, абарона правоў на інтэлектуальную ўласнасць. На думку Чжоу Цяньюна, у Кітаі павінна быць створана адзіная сістэма землекарыстання з мэтай больш збалансаванага развіцця горада і вёскі.

-0-