Беларусь гатова да Чэмпіянату свету па хакеі амаль на 70%. Пра гэта заявіў днямі намеснік міністра спорту і турызму Беларусі Чэслаў Шульга.

"Мы разглядаем гэты чэмпіянат як інвестыцыі ў нашу будучыню ў частцы развіцця як унутранага, так і міжнароднага турызму. Тое, што сёння пабудуем, будзе потым працаваць шмат гадоў", – заявіў Ч.Шульга.

Пашырыць каляндар турыстычных мерапрыемстваў на час чэмпіянату – адна з асноўных задач, якія ставіць сёння Мінспорту і турызму. Для гэтага, не выключаюць у ведамстве, самыя масавыя і каларытныя беларускія мерапрыемствы могуць быць перанесены на май.

Адна з ініцыятыў, якая прагучала ў Міністэрстве спорту і турызму, – аб'явіць 2014 год Годам гасціннасці. І менавіта на Чэмпіянаце свету па хакеі ў беларусаў будзе магчымасць сустрэць гасцей згодна з лепшымі нацыянальнымі традыцыямі. - Р -