ЦК КПК у Доме народных сходаў у Пекіне правёў сход, прысвечаны 120-годдзю з дня нараджэння Маа Цзэдуна. Старшыня КНР Сі Цзіньпін выступіў з прамовай, у якой ён падвёў вынікі дзейнасці камуністаў на чале з Маа Цзэдунам у кітайскую рэвалюцыю і будаўніцтва новай дзяржавы. Сі Цзіньпін таксама падкрэсліў, што прадстаўнікі ўсіх нацыянальнасцяў краіны павінны яшчэ больш цесна згуртавацца, не забываючыся на бліскучыя поспехі нялёгкага мінулага, каб з годнасцю выканаць сённяшнюю місію, пранікнуцца рашучасцю ў пераадоленні любых цяжкасцяў, ісці наперад па шляху сацыялізму з кітайскай спецыфікай у імя ажыццяўлення кітайскай мары аб вялікім адраджэнні нацыі.

На сходзе прысутнічалі таксама члены Пастаяннага камітэта Палітбюро ЦК КПК Лі Кэцян, Чжан Дэцзян, Юй Чжэншэн, Лю Юньшань, Ван Цішань і Чжан Гаалі. - Р -