Сакратар шанхайскага камітэта КПК Хань Чжэн паабяцаў "суровыя пакаранні" для ўсіх, хто мае дачыненне да звязанага з бяспекай прадуктаў харчавання скандалу, які распаўсюдзіўся з Шанхая на Сянган і Японію.
Хань Чжэн на пасяджэнні, прысвечаным урэгуляванню скандалу, паведаміў, што любая кампанія, якая парушае ў горадзе заканадаўства, будзе сурова пакарана ў адпаведнасці з законам.
Гэта адбылося праз некалькі дзён пасля таго, як мясцовы тэлеканал паведаміў, што кампанія "Шанхай хусы", якая з'яўляецца пастаўшчыком мяса і належыць "OSI Group", што базуецца ў ЗША, займалася змешваннем свежага і пратэрмінаванага мяса.
У скандале задзейнічаны глабальныя брэнды ў сферы грамадскага харчавання, уключаючы McDonald's, "Yum Brands", які належыць KFC, а таксама Starbucks.
У сувязі са скандалам былі затрыманы 5 чалавек, шанхайскія рэгулятары абвінавацілі кампанію "Шанхай хусы" у фальсіфікацыі дат вытворчасці прадукцыі з ялавічыны і продажы гэтай прадукцыі па заканчэнні тэрміну прыдатнасці.
Хань Чжэн таксама паабяцаў, што журналісты і інфарматары, якія адыгралі важную ролю ў скандале, атрымаюць абарону.
"Роля СМІ ў гэтым выпадку будзе разглядацца ў якасці пазітыўнай энергіі", - сказаў ён.
Хань Чжэн паабяцаў, што расследаванне інцыдэнту будзе дбайным, а яго вынікі своечасова раскрытыя грамадскасці.
Ён заклікаў кантрольныя органы ўрада захоўваць пільнасць і выконваць свой доўг з апярэджаннем падзей.
"Вы павінны ўсвядоміць тое, што адбылося, каб не дапусціць паўтарэння падобных выпадкаў", - сказаў Хань Чжэн.
У апублікаванай учора на сайце "OSI Group" заяве сцвярджаецца, што кампанія "выключыць з рынку ўсю вырабленую" Шанхай хусы" прадукцыю".
Кампанія таксама паведаміла, што праводзіць дбайнае ўнутранае расследаванне на прадмет любых магчымых памылак з боку цяперашняга і папярэдняга высокапастаўленага кіраўніцтва.
Датычныя да скандалу кампаніі хутка адрэагавалі на яго.
Кітайскае аддзяленне McDonald's паведаміла, што будзе купляць мяса ў іншай кампаніі ў складзе "OSI Group", каб замяніць свайго папярэдняга пастаўшчыка, а аддзяленне McDonald's у Японіі спыніла імпарт кураціны з Кітая. - 0 -
